Япония халқы КХДРдың ядролық топылысына таярлық көрмекте (видео)

Япония пуқаралары Арқа Кореяның ядролық қуралларынан қорғаныў ушын таярлық жумысларын өткермекте, деп хабар бермекте BBC.
Соңғы ўақытларда ядролық қуралларын жийи-жийи сынақтан өткерип атырған Арқа Корея қоңсылас еллердиң пуқараларын албыратып қойды. Жыл басынан берли Пхеньян оннан аслам ракета ушырған болса, оның екеўи континентлер аралық баллистикалық ракета есапланады. Олардың барлығы да Японияға қарай ушырылды.
Сол себепли, Япония пуқаралары ядролық топылыс болғанда қалай ҳәрекет етиўди жақсы меңгериў мақсетинде оқыў шынығыўларын алып бармақта.
Мағлыўмат ушын, Арқа Корея соңғы мәрте усы жылдың 28-июль сәнесинде ракета ушырған еди.



Ислам Матеков.