Россия президенти жанындағы аўыл хожалығы ҳәм мәмлекетлик хызметлер академиясының (FESN RANXiGS) социаллық-гуманитар илимлер кафедрасының доценти Игорь Загарин Тәжикстандағы Сарез көлиниң сатылыўы Өзбекстанға қандай тәсир көрсетиўи мүмкинлиги ҳаққында өз пикирлерин билдирди. Бул ҳаққында Sputnik басылымына тийкарланып Daryo.uz хабар бермекте.
- Қытай Тәжикстаннан дерлик пүткил көлди сатып алды ҳәм ол жерде ишимлик суўын ислеп шығарыўды жолға қойыўды режелестирмекте. Бул қоңсы мәмлекетлерге белгили бир машқалаларды келтирип шығарады, биринши гезекте Өзбекстанға, - деп есаплайды эксперт.
Игорь Загаринниң айтыўына қарағанда, қытайлылар Орайлық Азия ресурсларын өзлестириўди оғада тез ҳәм кескин түрде әмелге асырмақта.
- Өзбекстан Тәжикстан ҳәм Қырғызстан аймақларынан алынатуғын суў ресурсларына байланып қалған. Рогун ГЭСиниң қурылыўы да мәмлекеттиң суў балансын бузыўы мүмкин, - деп айтып өткен Загарин.
Еслетип өтемиз, алдын басқа бир россиялы эксперт – Андрей Грозин Тәжикстан Сарез көлин Қытай компаниясына сатыўы Өзбекстандағы суў менен байланыслы жағдайға тәсир етпеўин билдирген еди.
Ислам Матеков.
Сайтымыздың телеграмдағы каналына ағза болың: https://t.me/karinformuz
