1-сентябрьде тарийхтағы ең үлкен астероид Жерге жақынласады (видео)

NASA агентлиги Жерге жақынласып киятырған тарийхтағы ең үлкен астероидты көрсетти. Көлеми 4,4 километр болған Florence астероиды Жерден 7 миллион километр қашықлықтан ушып өтеди. Бул ўақыя шама менен усы жылдың 1-сентябринде болып өтеди. Илимпазлардың билдириўинше, Жерге ҳешқандай қәўип болмайды. Астероидлар арасында Жерге буннан жақын аралықта ушып өткенлери болған. Бирақ, олар Florenceке салыстырғанда киши еди. Мағлыўматларға қарағанда, Florence астероиды Жерге және 500 жылдан соң жақын келеди. Төменде NASA агентлиги тәрепинен астероидтың жақынласып келиўи көрсетилген видеосхемасын көриўиңиз мүмкин.



Сахибжамал Есемуратова.