2018-жылда жол-транспорт ҳәдийселери ақыбетинде неше адам қайтыс болған?

Өзбекстан Республикасы Ишки ислер министрлиги 2018-жылда жол-транспорт ҳәдийселеринде неше пуқара қайтыс болғаны ҳаққында мағлыўмат берди, деп жазады Kun.uz.
Министрликтиң мәлим етиўинше, 2018-жылда республикада жол-транспорт ҳәдийселери ақыбетинде 2262 адам қайтыс болған (2017-жылы 2473, 2018-жылда 8,5% ке азайған), 8458 адам дене жарақатын алған (2017-жылы 9637 адам, 2018-жылы 12,2% ке азайған).
Сондай-ақ, 2018-жылы пиядалар ҳәм жол ҳәрекетиниң басқа қатнасыўшылары тәрепинен жол ҳәрекети қағыйдаларының бузылыўы бойынша 109280 қағыйда бузыўшыға Өзбекстан Республикасы Ҳәкимшилик жуўапкершилик ҳаққындағы кодексинде нәзерде тутылған шаралар көрилген.

Ислам Матеков.

Сайтымыздың телеграмдағы каналына ағза болың: https://t.me/karinformuz