![](\"http://img.uz/d/2019/01/5c50319487ce9.jpg\")
Хорезмде Малайзия технология университетиниң филиалы ашылады, деп хабар берди Qalampir.uz. Өзбекстан Сыртқы ислер министрлигиниң хабарына көре, Малайзия Технология университети - «Universiti Teknologi Malaysia»ниң Хорезмдеги филиалында инжиниринг, информация технологиялары, фундаментал пәнлер ҳәм менежмент бағдарлары бойынша билим бериў режелестирилген. Дәслеп Хорезмдеги жоқары оқыў орнының базасында франчайзинг усылында шөлкемлестирилсе, соң өз алдына филиалы ашылады.
Мағлыўмат ушын, Universiti Teknologi Malaysiaға 1904-жылы тийкар салынған.
Сахибжамал Есемуратова
