Дүньяның түрли еллеринде оқытыўшылардың айлық ис ҳақы қанша?

«Kaktakto» басылымы дүнья еллериндеги оқытыўшылардың айлық ис ҳақыларын салыстырып көрди, деп хабар берди qalampir.uz.
2018-жылы Германия дүньяда оқытыўшылар ең көп айлық ис ҳақы алатуғын мәмлекет деп табылды. Өткен жылы бул мәмлекетте оқытыўшылардың айлық ис ҳақы 5 110 долларды қураған. Оннан кейинги орынды АҚШ ийелеген. Бул мәмлекетте 2018-жылы оқытыўшылар айына 3558 доллар айлық ис ҳакы алған. Калифорния штатындағы мектеп оқытыўшысының жыллық ис ҳақы 2017-2018-жыллары 75 000 долларды қураған. Дизимде Франция (айына 2554 доллар), Англия (айына 2314 доллар) ҳәм Япония (айына 2 302 доллар) сыяқлы мәмлекетлер дәслепки орынларды ийелеген.
Орайлық Азияда оқытыўшыларға ең көп айлық ис ҳақы төлейтуғын мәмлекет Қазақстан болған (айына 311 доллар). Қырғызстанда бул көрсеткиш 166 доллар, Өзбекстанда 153 доллар, Тәжикстанда 140 долларды қураған.

Сахибжамал Есемуратова