Ташкент мәмлекетлик юридикалық университети ушын тест сынақларындағы пәнлердиң избе-излиги өзгерди

Ташкент мәмлекетлик юридикалық университети ушын тест сынақларындағы пәнлеркомплексиниң избе-излиги өзгериўи мүмкинлиги ҳаққында хабар берген едик.
Мәмлекетлик қабыллаў комиссиясының 2019-жыл 31-январьдағы 15-санлы мәжилис протоколына муўапық, 2019-2020-оқыў жылынан баслап Ташкент мәмлекетлик юридикалық университетиниң «Юриспруденция (искерлик түрлери бойынша)» бакалавриат тәлим жөнелиси ушын тест бойынша муўапық келетуғын пәнлер комплекси төмендегише белгиленди:
Ана тили ҳәм әдебияты – 3,1 балл (ҳәр бир дурыс жуўап ушын);
Шет тили – 2,1 балл (ҳәр бир дурыс жуўап ушын);
Тарийх – 1,1 балл (ҳәр бир дурыс жуўап ушын).
Жоқары оқыў орнының билдирген пикирлерине муўапық, юрист кадрлар ушын анализлеў, жаңа билимлерди ийелеў ҳәм олардан пайдаланыў, ҳуқық нормаларын шолыў ҳәм оларды қолланыў ушын олар дәслеп тил билиўи әсиресе шет тиллерин жақсы өзлестирген болыўы керек.

Сахибжамал Есемуратова