Олимпиада ойынлары 2024-жылы Парижде, 2028-жылы Лос-Анджелесте болып өтеди

Бул ҳаққында Халықаралық Олимпия комитети (ХОК) Перу пайтахты Лимада өткерилген 131-рәсмий жыйналысында жәриялады. Бул еки Олимпиада ойынлары болып өтетуғын қалалар алдыннан белгили еди. Бирақ, олардың қай бири дәслепкиси, қайсысы кейингиси екенлиги белгисиз болып тур еди.
ХОК комиссиясы қала басшылары менен үш тәреплеме шәртнамаға қол қойып, таярлық жумысларына табыс тиледи. Олимпиада ойынлары Парижге арадан 100 жыл өтип қайтты. Париж ҳәм Лос-Анджелесте Олимпиада ойынлары бирнеше мәрте болып өткен. Анықлаў айтқанда, Парижде 1900- ҳәм 1924-жыллары, Лос-Анджелесте 1932- ҳәм 1984-жыллары өткерилген.

Ислам МАТЕКОВ.