Дүньядағы ең жасыүлкен адам қайтыс болды

Ямайкада Жердеги ең жасыүлкен адам деп есапланатуғын 117 жаслы Вайолет Мосс Браун дүньядан өтти. Бул ҳаққында мәмлекет премьер-министри Эндрю Холнесс өз Twitterинде хабарлады, деп жазады Lenta.ru сайты.
Ол усы жылдың апрель айында италиялы Эмма Моран қайтыс болғаннан соң планетадағы ең жасыүлкен адам сыпатында белгили еди.




Браун Ямайкада 1900-жылы 10-мартта дүньяға келген. 2010-жылы ол жергиликли ҒХҚға интервью берген. «Гейде «расы менен де 110 жастаман ба?» деп өзимнен сорайман. Өйткени, өзимди 110 жаслы адамдай сезбеймен», - деп айтып өткен еди сол интервьюда.
Усы жылдың 26-июль сәнесинде ол тарийхта ең көп өмир сүрген адамлардың арасында бесинши орынды ийелеген еди.

Ислам МАТЕКОВ.