Өзбекстан Республикасы Министрлер Кабинетинде усы жылдың 23-апрель күни өткерилген мәжилис протоколында белгиленген ўазыйпалардың орынланыўы бойынша усы жылдың май айы елимиз бойлап «Спорт айлығы» деп жәрияланған еди.
Әжинияз атындағы Нөкис мәмлекетлик педагогикалық институтында усы айлық шеңберинде әмелге асырылатуғын жумыслар ҳәм өткерилетуғын спорт жарысларының жобасы ислеп шығылып, бул тийкарда әмелий жумыслар даўам етпекте.
Оған факультетлердеги барлық тәлим бағдарлары студентлери белсене қатнаспақта.
Бүгин, 15-май күни институт спорт сарайында дене мәденияты факультети студент-жаслары арасында спорттың миллий гүрес түри бойынша бириншилик өткерилди.
Онда қатнасыўшы ер балалар 66, 73, 81 кг салмақ категориясы, ал қыз балалар болса 63 ҳәм 63+ кг салмақ категориясы бойынша өз-ара беллести.
Жарыс жуўмағында жеңимпаз ҳәм сыйлы орын ийелери сыйлықланды.
Ислам Матеков.
Сайтымыздың телеграмдағы каналына ағза болың: https://t.me/karinformuz
