Ислам Каримов естелигине бағышланған мақалалар таңлаўы дағазаланды

Өзбекистан Республикасы Президенти жанындағы Өзбекистан Республикасының Биринши Президенти Ислам Каримов атындағы илимий-ағартыўшылық орайының 2017-жыл 11-июльдеги 67/1-санлы хатына муўапық, Өзбекистан Республикасы Биринши Президенти Ислам Каримовтың естелигин мәңгилестириў мақсетинде «Ислам Каримов естелигине бағышланған ең жақсы илимий мақала» таңлаўы өткериледи.
Ислам Каримовтың 80 жыллығына бағышланған таңлаўға 2016-2017-жыллары елимиз ҳәм сырт еллердеги газета ҳәм журналларда, интернет сайтларында жәрияланған материаллар 2017-жылдың 31-декабрине шекем қабылланады.
Таңлаў жеңимпазлары арнаўлы диплом ҳәм 1-орын ийеси ең кем айлық ис ҳақының 100 есеси муғдарында, 2-орын ийеси ең кем айлық ис ҳақының 75 есеси муғдарында, 3-орын ийеси ең кем айлық ис ҳақының 50 есеси муғдарындағы пул менен сыйлықланады.
Таңлаўға жиберилген материалларға төмендегилер қосымша кылынады:
• Автор ҳаққында мағлыўматнама;
• Автордың жасаў орны ҳаққындағы мағлыўматлары, үй ҳәм жумысының телефон номерлери;
• Автордың паспорт нусқасы.
Ҳүжжетлер 100163, Ташкент қаласы, Афросиёб көшеси 1/1-үйге жиберилиўи керек
Мағлыўмат ушын телефон: 239-54-91
Электрон почта мәнзили: immm@mail.uz, majmua@mail.uz.

Сахибжамал Есемуратова.