Бишкекте оқыўшылар троллейбустың ишинде флэшмоб шөлкемлестирди. Олар қырғыз халқының миллий саз әсбаплары менен қазақ халқының композицияларын атқарды, деп хабар бермекте Sputnik.kg басылымы.
Жәмийетлик транспорт ишинде Жумамудун Шералиев атындағы №6 балалар көркем өнер мектебиниң оқыўшылары қазақ халкының композиторы Н.Тилендиевтиң оркестрлик поэмасы болған «Ата толғаўы» композициясын атқарған.
Мектеп оқытыўшысы Толгонай Осмонованың билдириўинше, балалар бул қосықты атқарыў арқалы Қырғызстан ҳәм Қазақстан президентлерин досласыўға шақырған.
«Қырғыз ҳәм қазақ халқының түби бир. Олар сиясий жағдайларға байланыслы бөлинбеўи керек. Мәдениятымыз, дәстүрлеримиз де тутас. Биз еки елдиң мәңги дослықта жасаўын қәлеймиз. Бул флэшмобты «Досласайық» деп атаўға болады», - дейди Осмонова.
Төменде сиз флэшмобты тамашалаўыңыз мүмкин.
Ислам Матеков.
