Қырғызстанның алдынғы президенти Алмазбек Атамбаев өзиниң бақлаўында болған «Aprel» телеканалы арқалы күш ислететуғын органларды «халыққа қарата оқ атпаўға» шақырды, деп хабар берди Tengrinews.
Бул органларға қарата ол: «Өз халқыңызға оқ атпаң, булардың барлығы сиз ушын жаманлық пенен жуўмақланады», — дейди Атамбаев.
Ол айыпсыз адамлар жәбирленгенинен пушайман екенлигин айтып өткен. «Бүгин мени қолға алыўға урынды, бирақ, бунда көплеген адамлар жарақатланды. Мени қолға алыў ушын «Alfa» антитеррористлик арнаўлы бөлими жиберилген. Биз терроршы емеспиз. Мен де, үйим әтирапындағы тыныш халық та терроршы емеспиз. Көпшилик мениң менен сүўретке түсиў ушын келген. Әмелдеги ҳәкимияттың бундай итибарсызлығы адамды ҳайран қалдырады», — дейди алдынғы президент.
Сахибжамал Есемуратова
