Илимпазлар инсан өлгеннен соң не нәрселерди сезиўи мүмкинлигин анықлады

Нью-Йорктың илимпазлары көп жыллар даўамында марҳумлар үстинде изертлеў жумысларын алып барды. Бул изертлеўдиң нәтийжесине муўапық, олар инсан өлгеннен кейин қандай нәрселерди сезиўи мүмкин екенлигин анықлады, деп хабар берди livescience.com сайты.
Langone медициналық орайының илимпазларының пикиринше, инсан өлгеннен кейин жүреги тоқтаса да, бираз ўақытқа шекем есин билип жатады екен.
«Марҳумлар бул өмирде өзиниң тиришилигиниң тоқтағанлығын түсинип, әтирапында не болып атырғанын билип жатады. Енди өзиниң денесин басқара алмайтуғынлығын аңлайды», - дейди профессор Сэм Парни.
Бул илимпазлардың сөзиниң дәлийли сыпатында клиникалық өлимди басынан кеширгенлердиң гәплерин мысал сыпатында келтирген. Адамлар жүреги тоқтаған ўақтында әтирапындағы шыпакерлердиң не айтқанлығын айтып берген.