Өзбекстанда Исбилермен ҳаял-қызлар кеңеси шөлкемлестирилди. Өзбекстанда жетекши исбилермен ҳаяллардан ибарат Исбилермен ҳаял-қызлар кеңеси шөлкемлестирилди. Бул ҳаққында «Шаңарақ ҳәм ҳаял-қызларды қоллап-қуўатлаў системасын буннан былай да жетилистириў илажлары ҳаққында»ғы президент қарарында белгиленди.
Оның ўазыйпалары:
➖ Турақлы түрде аймақларға шығып, исбилермен ҳаял-қызлардың машқалаларын үйрениў ҳәм оларды сапластырыў бойынша усыныслар ислеп шығыў;
➖ Исбилермен ҳаял-қызлардың алдынғы тәжирийбелерин басқа аймақларда ғалаба ен жайдырыўға жәрдемлесиў;
алдын исбилерменлик жойбарларын әмелге асырған ҳаял-қызлар менен мәнзилли ислеп, олардың машқалаларын шешиў ҳәм бизнес идеяларын әмелге асырыўға жәрдемлесиў;
➖ Системалы машқалаларды шешиў бойынша ҳүкиметке ҳәм нызамшылық палатасына усыныслар киргизип барыў.
Исбилермен ҳаял-қызлар кеңеси Саўда-санаат жанында, 27 адамнан ибарат қурамда шөлкемлестириледи.
Қарар менен, сондай-ақ, төмендеги имканиятларға ийе «Исбилермен ҳаял-қызлар» платформасы 2025-жыл 1-июльға шекем иске түсириледи:
➖ Ҳаял-қыз исбилерменлерге шийки зат сатып алыўға жәрдемлесиў;
➖ Өз-ара кооперацияны кеңейтиў ҳәм өнимлерди сатыў ушын базар табыў;
➖ Зәрүр қәнигелерди излеў ҳәм жумысқа қабыл етиў;
➖ Жойбарлар шеңберинде жүзеге келип атырған машқалаларды анықлаў ҳәм оларға шешим табыў.
2025-жыл 1-майдан төмендегилерди нәзерде тутатуғын «Ҳамкор тадбиркор» бағдарламасы жолға қойылады:
➖ Өз бизнесин шөлкемлестирежақ болған ҳаял-қызларда исбилерменлик көнликпелерин қәлиплестириў;
➖ Кооперация тийкарында ҳаял-қызлардың исбилерменлик жумысын жолға қойыўға жәрдемлесиў;
➖ Жергиликли ҳәм халықаралық электрон платформаларда ҳаял-қызларға өз өнимлерин жайластырыў ҳәм сатыўға жәрдемлесиў.
2025-жыл 1-августқа шекем Ҳаял-қызлар исбилерменлигин қоллап-қуўатлаў бағдарында финанслық хызметлер көрсетиў стратегиясы тастыйықланады.
