Түйе ҳәм тышқан (Аңызлар тилге киргенде...)

Аңызларға қарағанда, әййемде түйе менен тышқан дос болған екен. Бир күнлери екеўи дүньяны айланып саяхатқа шығыпты. Жол жүрип, жол жүрсе де мол жүрип, бир дәрьяның бойына келип қалыпты. Сол дәрьяны кешип өтип, жолын даўам еттирмекши болғанда, тышқан түйеге «дәслеп сен кешип өт, егер дәрья шүңгил болмаса изиңнен мен де өтемен», - депти. Түйе дәрьядан кешип өтип баратырып, «дәрья шүңгил емес екен, дизеге келеди, арқайын өте бер», - депти. Бул гәпке тышқанның ашыўы келип «ҳаў, сен мени өзиң менен теңлестирме, сениң дизеңе келген болса, мениң бойымнан өтип кетеди, суўға ығып кетемен-ғой», - деген екен.

Сахибжамал Есемуратова