Дүнья жүзиндеги бирден-бир жети егиз 20 жасқа толды деп хабар берди pozitivno.me. 1997-жылы америкалы Кенни ҳәм Бобби Маккоги шаңарағында жети егиз дүньяға келген еди. Олар дүньядағы бирден-бир жети егиз есапланады. Төрт бала ҳәм үш қызлардың атлары Кенни, Брэндон, Натан, Джоэл, Келси, Натали ҳәм Алексис.
Қайырқомлық фондлары Маккоги шаңарағына қаржылай жәрдем бермекте. Олар үлкен үй сатып алды, балалары болса, жазғы лагерлерге бийпул жиберилетуғын ҳәм мектепте бийпул аўқатланатуғын шараятлар жаратып берилди. Улкен қызы Микаэла анасына егизлерин бағыўда жәрдем береди.
Брэндон оқыўын тамамлағаннан соң әскерий хызметке барыўды, Алексис - тәрбияшы, Кенни — қурылысшы, Натали — оқытыўшы, Келси-қосықшы, Натан-ҳәм Джоэл-бағдарламашы болыўды қәлейди.
Сахибжамал Есемуратова
