Техас мектеплеринде оқыўшыларды таяқ пенен урыўға руқсат берилди

АҚШтың Техас штатындағы Three Rivers жеке мектебинде оқытыўшылардың айтқанларын тыңламайтуғын оқыўшыларды таяқ пенен сабаўға руқсат берилди, деп хабар тарқатты Tengrinews. Техас штатындағы Three Rivers жеке мектебиниң Мектеп кеңесиндеги 7 адамның 6 ы бул усынысты жақлап даўыс берген, бир кеңес ағзасы жыйналысқа қатнаспаған.



Режеге муўапық, мектеп басшылары жаңа оқыў жылы басында оқыўшылардың ата-аналарынан жазба түрде руқсат алады. Егер олар разылық берсе, мектеп директоры ямаса директордың оқыў ислери бойынша орынбасары баланы жазалаўға ҳақылы болады.
Техас АҚШтағы мектеплерде оқыўшыларды жазалаўды нызамлы түрде ислеп қойған бирден-бир штат есапланады. Экспертлердиң айтыўынша, баланы таяқ пенен урыў оларды ашыўшақ етип, келешекте жынаятшыға айланыўына тийкар жаратады.

Ислам Матеков.