Microsoft корпорациясы Paint графикалық редакторынан ўаз кешти

Paint графикалық редакторы имканиятлары бойынша гөнерген бағдарламалар қатарына киреди. Сол себепли, Microsoft корпорациясы өз өнимлеринен бул бағдарламаны алып таслаўға қарар еткен.
Корпорация, соның менен бирге, Outlook Express почта клиенти ҳәм текстлер менен ислейтуғын Reader App бағдарламаларын да Windows операциялық системасынан алып таслайды.
Мағлыўмат ушын, Paint графикалық редакторы 1985-жылы шығарылған дәслепки Windows 1.0. операциялық системасында шығарылған болса, ең соңғы версиясы 2017-жылдың бәҳәринде Windows 10 Fall Creators Update операциялық системасында Paint 3D атамасында орналастырылған еди.

Ислам Матеков.