Испания премьеросы тарийхы ҳәм статистикасын изертлеў орайы (CINEFE) мәмлекет чемпионаты тарийхындағы ең жақсы футболшылардың рейтингин жәриялады. 86 футбол мәўсимин үйренип шыққан орай рейтингтиң ең жоқарысына Лионель Мессиди ылайық деп есаплаған. Рейтинг футболшылардың бир мәўсимде неше минут майданда ойнағаны, ойындағы ҳәм пенальтиден урған голлары, автогол ҳәм ойыннан шетлетилген жағдайларын есапқа ала отырып исленген. CINEFE рейтинги бойынша Лионель Месси Испания премьеросы тарийхындағы ең жақсы футболшы. Екинши орынға Мадридтиң «Реал» командасының белгили футболшысы Рауль Гонсалес мүнәсип көрилген. Күшли үшликке 1939-1955-жыллары «Барселона»да ойнаған Сесар Родригес жуўмақ жасаған. Ал бүгинги күнде Мессидиң баслы бәсекилеси болған Криштиану Рональду болса күшли онлыққа кире алмаған – ол 17-орында. Төменде сиз чемпионаттың ең күшли футболшыларының «ТОП-10»лығын тамашалаўыңыз мүмкин:
1. Лионель Месси, «Барселона»
2. Рауль Гонсалес, «Реал» (1994-2010)
3. Сесар Родригес, «Барселона» (1939-1955)
4. Тельмо Сарра, «Атлетико» (1940-1955)
5. Кини, «Спортинг Хихон» (1968-1980), «Барселона» (1980-1984)
6. Хуан Арса, «Севилья» (1943-1959)
7. Альфредо ди Стефано, «Валенсия» (1970-1974, 1979-1980, 1986-1988), «Реал» (1982-1984, 1990-1991)
8. Франциско Генто, «Валенсия» (1977-1978), «Гранада» (1980-1981)
9. Сантильяна, «Реал» (1971-1988)
10. Гильермо Горостиса, «Атлетико» (1929-1940), «Валенсия» (1940-1946).
Ислам Матеков.
