![](\"http://img.uz/d/2018/07/5b600e4a2b7aa.jpg\")
Австрияның Китцбюэль қаласында теннис бойынша жарыс басланды. Жоқары дәрежеде өткерилиўи режелестирилген бул жарысқа дүнья жүзине белгили теннисшилер менен бир қатарда жерлесимиз Денис Истомин де қатнаспақта. Ол турнирди таңлаў басқышынан баслаған болып, дәслеп еки қарсыласын жеңип, тийкарғы турға жол алған еди. Тийкарғы орында дәслепки ойынын өткерип, аргентиналы Федерико Дельбониске қарсы кортқа түсти. 1 саат 46 минут даўам еткен ойында Денис қарсыласын 7:6, 6:2 есабында жеңди. Ол шерек финалға шығыўы ушын турнирдиң екинши таңланған теннисшиси Филипп Кольшрайберге қарсы ойнайды.
Сахибжамал Есемуратова
