ҚМУда Жаслар аўқамы факультет жетекшилери сайлаўы басланды (фоторепортаж)

7-сентябрь күни Бердақ атындағы Қарақалпақ мәмлекетлик университетиниң Мәденият сарайында университеттиң қарақалпақ филологиясы факультети Жаслар аўқамы басланғыш шөлкеми жетекшисин сайлаў илажы болып өтти. Илажды факультет деканы Қ.Турдыбаев алып барды. Мәжилис күн тәртибине муўапық, жаслар аўқамы қарақалпақ филологиясы факультети кеңес ағзалары ҳәм факультет жаслар жетекшисин сайлаў мәселеси көтерилди. Жетекшиликке талабан етип көрсетилген 3 студент арасынан факультет жаслар жетекшиси етип қарақалпақ филологиясы қәнигелигиниң 2-курс студенти Б.Жолдасбаев студент-жаслардың ашық даўыс бериў жолы менен сайланды.
Илажға университеттиң руўхыйлық ҳәм ағартыўшылық ислери бойынша проректоры Ҳ.Турсунбоев ҳәм Жаслар аўқамы басланғыш шөлкеми жетекшиси С.Ганиевлер қатнасты.
Университетте факультет жаслар жетекшилери сайлаўы 11-сентябрьге шекем даўам етеди.










Ислам Матеков.