Ажиниёз номидаги Нукус давлат педагогика институтида Россия Федерациясининг Кубан давлат университетидан 5 профессор-ўқитувчи талабаларга дарс ўтмоқда.
Жумладан:
- Кубан давлат университети амалий тилшунослик кафедраси мудири, филология фанлари номзоди Марина Бодоньи институтнинг инглиз тили ва адабиёти таълим йўналиши 1-2 курс талабаларига «Практика английского языка» мавзусида;
- Педагогика ва бошланғич таълим методикаси кафедраси доценти, педагогика фанлари номзоди Юлия Гакаме институтнинг бошланғич таълим ва спорт тарбиявий иши йўналиши 3 курс талабаларига «Целеполагание: понятие и психолого-педагогические техники формирования «Мечта или…» мавзусида;
- Умумий ва славян-рус тилшунослиги кафедраси профессори, филология фанлари доктори Тангир Кизларгуль институтнинг рус тили ва адабиёти мутахассислиги 1 курс магистрантларига «Любой курс по запросу, включая Методику преподавания специальных дисциплин (Магистратура)» мавзусида;
- Педагогика фанлари доктори, ижтимоий фаолият, психология ва олий таълим педагогикаси кафедраси профессори Андрей Остапенко институтнинг педагогика ва психология таълим йўналиши 1 курс талабаларига «Педагогика нормального взросления подростков» мавзусида;
- Педагогика фанлари номзоди, ижтимоий фаолият, психология ва олий таълим педагогикаси кафедраси доценти Елена Шлюбуль институтнинг математика ўқитиш методикаси таълим йўналиши 1-курс талабаларига «Безопасность жизнедеятельности: теория и практика» мазусида дарслар ўтмоқда.
Маълумот учун, шу йилнинг март ойида Ажиниёз номидаги Нукус давлат педагогика институти ректори раҳбарлигидаги делегация Россия Федерацияси Кубан давлат университети ректори М.Астапов қабулида бўлиб, икки олий таълим муассасаси ўртасида профессор-ўқитувчилар, талабалар ҳамда докторантлар алмашиш, ҳамкорликда илмий-педагогик тадқиқот фаолиятини олиб бориш, магистратура мутахассисликларида биргаликда кадрлар тайёрлаш масалалари бўйича ҳамкорлик шартномасини имзолаган эди.
Ислам Матеков.
Сайтымыздың телеграмдағы каналына ағза болың: https://t.me/karinformuz
