Усы жылдың 22-декабрь күни Өзбекстан Олий Мажлис Нызамшылық палатасына, халық депутатлары ўәлаятлық, районлық ҳәм қалалық Кеңеслерине сайлаўлар болып өтеди. Сайлаў комиссиялары ағзалығына усынылғанлардың ҳәм сайлаў процессине қатнасыўшылардың ҳуқықый билимлерин арттырыў, сайлаў комиссиялары жумысларын шөлкемлестириўге жәрдем бериў мақсетинде Өзбекстан Республикасы Орайлық сайлаў комиссиясының 926-санлы қарарына муўапық, 11-12 октябрь күнлери Қоңырат санаат кәсип-өнер колледжинде «Сайлаў нызамшылығы ҳәм сайлаўларда заманагөй мәлимлеме технологияларының қолланылыўы» атамасында 2 күнлик семинар-тренинг болып өтти.
Семинарда Өзбекстан Республикасы Олий Мажлис нызамшылық палатасы, Қарақалпақстан Республикасы Жоқарғы Кеңеси ҳәм халық депутатлары районлық Кеңеслерине сайлаў өткериўши округ комиссиялары ҳәм участка сайлаў комиссиялары баслықларының орынбасарлары ҳәм хаткерлерине усынылғанлар қатнасты. Семинар даўамында, қатнасыўшылар өзлерин қызықтырған сораўларына тийисли жуўаплар алды.
Сайтымыздың телеграмдағы каналына ағза болың: https://t.me/karinformuz
