Нөкисте ІТ-Park ҳәм Муҳаммед әл-Хорезмий атындағы ТИТУ Нөкис филиалы шериклигинде қоспа инкубациялық орай шөлкемлестириледи. Бул бойынша ТИТУ Нөкис филиалы директоры, т.и.д., профессор Б.Қаипбергенов ҳәм ІТ-Park директоры орынбасары А.Кучкаров тәрепинен қол қойылған шериклик меморандумы ҳәм шәртнамасында атап өтилген. Бул ҳаққында филиал баспасөз хызмети хабар берди.
Шәртнамаға муўапық, ІТ-билимлендириў әҳмийетли екенлигин есапқа ала отырып информациялық технологияларды раўажландырыў, санлы экономика ҳәм электрон ҳүкиметти кең түрде енгизиў, ІТ-Раrk жумысларын буннан былай да раўажландырыў, Start-up жойбарлары экосистемасын енгизиў ҳәм раўажландырыў ҳәм қәбилетли жасларды қоллап-қуўатлаў экосистемасын жаратыў нәзерде тутылған.
Сайтымыздың телеграмдағы каналына ағза болың: https://t.me/karinformuz
