Бүгин пайтахтымыз Нөкис қаласындағы 10-санлы көзи әззи ҳәм шала көриўши балалар ушын қәнигелестирилген мектеп-интернатына Өзбекстанның Австрия мәмлекетиндеги айрықша ҳәм толық ҳуқықлы елшиси Абат Файзуллаев келди. Бул ҳаққында ҚР Халық билимлендириў министрлиги мәлимлеме хызмети хабар берди.
Илажға Қарақалпақстан Республикасы Халық билимлендириў министри Рустем Реимов қатнасты.
Елши Абат Файзуллаев Вена қаласындағы «C-Quadrat Investment Group» инвестициялық компаниясы тәрепинен жиберилген брайль шрифтиндеги принтер, спорт инвентарлары ҳәм оқыў қуралларын мектеп-интернатына саўға етти.
Министр Р.Реимов елши А.Файзуллаевқа Қарақалпақстан Республикасы Халық билимлендириў министрлиги атынан миннетдаршылық хатын тапсырды.
Сайтымыздың телеграмдағы каналына ағза болың: https://t.me/karinformuz
