Өзбекстанда Қурылыс министрлиги шөлкемлестирилди

Усы жылдың 2-апрель сәнесинде Өзбекстан Республикасы Президентиниң «Қурылыс тараўында мәмлекетлик басқарыў системасын түпкиликли жетилистириў илажлары ҳаққында»ғы Пәрманы қабыл етилди. Бул ҳаққында Әдиллик министрлигиниң «Ҳуқуқий ахборот» каналы мәлим етти.

Пәрман тийкарында:
- Мәмлекетлик архитектура ҳәм қурылыс комитети тийкарында Қурылыс министрлиги;
- Мәмлекетлик архитектура ҳәм қурылыс комитети жанындағы Раўажландырыў ҳәм материаллық хошаметлеў қоры және Билимлендириў мәкемелерин қоллап-қуўатлаў қоры базасында Қурылыс министрлиги жумысларын қоллап-қуўатлаў қоры;
- Қурылыста стандартластырыў ҳәм сертификатлаў республикалық орайы Қурылыста стандартластырыў республикалық орайы етип қайта шөлкемлестирилди.

Төмендегилер сапластырылды:
- Қурылыс тараўында реформалардың әмелге асырылыўы мониторинги ҳәм хызметлерди лицензиялаў бойынша Республикалық комиссиясы;
- Мәмлекетлик архитектура ҳәм қурылыс комитети жанындағы Қала қурылысы жумысларын мәлимлеме менен тәмийинлеў орайы;
- Мәмлекетлик архитектура ҳәм қурылыс комитети жанындағы Капитал қурылыста экономикалық реформалар ҳәм баҳаларды қәлиплестириў орайы.

Жойбарлар басқарыўы миллий агентлигине 2018-жылдың 1-июлына шекемги мүддетте аккредитациялаў механизмин енгизиў арқалы қурылыс тараўында техникалық қадағалаўға байланыслы мәмлекеттиң айрым функцияларын жеке секторға өткериў бойынша усыныс киргизиў ўазыйпасы жүкленди.

Сайтымыздың телеграмдағы каналына ағза болың: https://t.me/karinformuz

Ислам Матеков.