Дунёдаги энг қари инсон оламдан кўз юмди

Ямайкада Ердаги энг қари инсон деб топилган 117 ёшли Вайолет Мосс Браун оламдан ўтди. Бу ҳақда мамлакат прремьер-министри Эндрю Холнесс ўз Twitterида эълон қилди, дея ёзади Lenta.ru сайти.
У шу йилнинг апрель ойида италиялик Эмма Моран оламдан ўтгандан сўнг сайёрадаги энг қари инсон сифатида маълум эди.




Браун Ямайкада 1900 йил 10 мартда дунёга келган. 2010 йил у маҳаллий ОАВга интервью берган. «Гоҳида «чиндан ҳам 110 ёшдаманми?» деб ўзимдан сўрайман. Чунки, ўзимни 110 ёшли одамдай ҳис қилмайман», - деб айтиб ўтган эди ўша интервьюда.
Шу йилнинг 26 июль санасида у тарихда энг кўп ҳаёт кечирган инсонлар орасида бешинчи ўринни эгаллаганди.

Ислам МАТЕКОВ.