Шу йилнинг 24 май куни Нукус шаҳридаги Қорақалпоқ давлат ёш томошабинлар театрида «Тафаккур синовлари» кўрик танловининг минтақавий босқичи бўлиб ўтди.
Танловнинг минтақавий босқичида Урганч давлат университетининг «Ворислар», Бухоро давлат университетининг «Ирфон», Навоий давлат педагогика институтининг «Фемида», Термиз давлат университетининг «Ўзбек мўжизаси» ва Қорақалпоғистон Республикаси босқичида ғолибликни қўлга киритган Ажиниёз номидаги Нукус давлат педагогика институти «Мустақиллик ёшлари» жамоалари иштирок этди.
Танлов низомига кўра 4 шарттан иборат бўлган мусобақада иштирокчилар ўзларининг ижтимоий-иқтисодий, сиёсий саводхонлиги ва ташаббусларини намоён этди.
Танлов якунига кўра жами 202,3 балл тўплаган Ажиниёз номидаги Нукус давлат педагогика институти «Мустақиллик ёшлари» жамоаси 1-ўринни эгаллаб, танловнинг финал босқичига йўлланмани қўлга киритди.
Ислам Матеков.
Сайтымыздың телеграмдағы каналына ағза болың: https://t.me/karinformuz
